Erik Mekalum (Errick McCollum), košarkaš turske Karsijake i brat NBA zvijezde Si Džej Mekaluma (CJ McCollum) preživio je dramu u jednom tržnom centru dok je bio sa porodicom – trudnom suprugom i dvogodišnjim sinom.
Košarkaš je naveo kako je problem nastao zbog parking mjesta. Mekalum je napisao da je situacija bila ozbiljna, a da je sve moglo biti i mnogo gore jer je muškarac posegnuo za nožem.
Ponašao se kao idiot oko mog parking mjesta. Prišao je mom automobilu agresivno, sve dok nisam izašao iz auta i dok nije vidio koliko sam viši/mlađi od njega. Prišao mi je sa nožem i tada su ga ljudi zadržali.
Posvađali smo se, bilo je svega, ali su građani koji su se zatekli u tržnom centru intervenisali i fizički su ga zadržali. Ko zna dokle je moglo da ide. Najgore od svega je što sam bio sa mojom trudnom suprugom i dvogodišnjim sinom. Morao sam da se pobrinem da su su dobro – napisao je Mekalum.
On je na Twitteru podijelio fotografiju muškarca koji ga je napao i napisao “Ovo je idiot”.
