Nikoli Vučeviću stigla je čestitka i iz Bara za veliko prizanje i izbor u All star tim NBA lige.
“Dragi Nikola, ponosni smo na tvoj uspjeh, upisao si se za sva vremena u košarkaške legende. Tvoj Mornar, u kojem si napravo prve košarkaške korake, jedva čeka da te, kao uvijek, ovacijama pozdravi u dvorani ‘Topolica’. Tvoj podvig je veliki stimulans za barsku i crnogorsku košarku, posebno za nas iz Mornara koji smo ostvarili svoje, a uvjereni smo i tvoje, najljepše snove osvajanjem titule prvaka Crne Gore, plasmanom u plej-of ABA lige i stvaranjem stabilnog ABA ligaša u gradu košarke – Baru.
Želimo ti uspješan nastavak blistave karijere u NBA ligi, nove pobjede u dresu reprezentacije Crne Gore i – čekamo te u ‘Topolici’!“, navodi se u čestitki KK Mornar.
Nikola Vučević će prvi put u karijeri nastupiti na All star meču, koji se igra 18. februara u Šarlotu.
vijesti.me
