Argentinski košarkaš Luis Skola pričao je za “El Correo” da je Duško Ivanović bio temelj svih uspjeha koji je Baskonija uradila.
Skola je naveo da ima divna sjećanja na Ivanovića u klubu koji će povući njegov dres iz upotrebe.
“Bio je veoma važan za moju karijeru. Najvažnija osoba za mene tokom boravka u Vitoriji. Onda ide Alfredo Salazar koji me je doveo, ali Duško je bio temelj svih uspjeha koje smo ostvarili. Jedva čekam da ga vidim i zagrlim, zahvalim mu se lično. Ne bih rekao da je mnogo zahtjevao, jer to može da dobije negativnu konotaciju koja nema veze sa onim kako ga pamtim. Bilo je teško trenirati sa njim, nije bilo jednostavno ni igrati, ali realnost je da je on veoma važan trener u mojoj karijeri. Imam divna sjećanja na njega i eto, pogodilo se da će biti trener Baskonije kada budu povlačili moj dres. Da sam mogao da biram, izabrao bih njega, bez sumnje” – kazao je Skola.
Podsjetimo da je Duško Ivanović po četvrti put u karijeri preuzeo ekipu Baskonije.
TT
