Košarkaši Čikaga nastavili su sa dobrim partijama – Bulsi su savladali San Antonio (128:104) i upisali treću pobjedu zaredom u NBA ligi, a četvrtu na posljednjih pet mečeva.
Na poluvremenu je bilo plus tri za Čikago (62:59), krajem treće četvrtine 85:85, a onda su Bulsi napravili seriju 23:3 i stigli do ubjedljive pobjede.
Najbolji kod Čikaga bio je Nikola Vučević koji je meč završio sa 22 poena, 12 skokova i četiri asistencije. Dramond je dodao 21 poen i 15 skokova, Lavin 20 poena i četiri skoka, a Derozan 19 poena i pet asistencija.
