Partizan u petak od 20:30 dočekuje Barselonu u okviru osmog kola Eurolige.
“Crno-bijeli” su odradili trening u Sofiji, poslije čega će uslijediti povratak za Beograd i nastavak pripreme za Katalonce.
Željko Obradović, trener Partizana, iznio je očekivanja uoči duela sa Barselonom.
“Iskoristili smo opciju da treniramo ovdje, kako bi u Beogradu imali slobodno. Šteta je što smo protiv Hapoela imali mnogo dobrih minuta, a crni minuti su doveli do toga da izgubimo meč. Reagovali smo jutros na treningu, i čekamo Barselonu u petak. Ona je imala dan više odmora, što u ovakvom kalendaru može mnogo da znači. Krasi nas borbenost, i apelujem na navijače da budu jedinstveni s obzirom na prethodna dešavanja. Neka pomognu igračima atmosferom koja nas je krasila godinama unazad.”
ND
