Gašper Okorn, šef stručnog štaba slovenačke Krke, govorio je o očekivanjima pred meč petog kola ABA lige protiv Mornara.
U dosadašnjem dijelu jadranskog karavana, Krka je na učinku od jedne pobede i tri poraza. Na drugoj strani, Mornar je sezonu otvorio sa četiri poraza.
“Mornar je tim čija igra dosta zavisi o šutu spolja. Imaju širok roster igrača. Sigurno da nisu ušli u sezonu kako bi željeli, ali iz kola u kolo mogu biti samo bolji. Mislim da mi možemo tražiti svoju priliku za iznenađenje u Baru, ali samo pod jednim uslovom.
To je da se držimo dogovora i odigramo obranu kako treba. Bez toga će biti jako teško. Idemo na put s ciljem pobjede, ali, iako rijetko o tome pričam, stvarno nemamo sreće s povredama igrača na početku sezone. Tako će biti i ovaj put, ali to ne smije biti izgovor. Ako budemo pravi, možemo do pobjede” – rekao je Gašper Okorn.
Utakmica između Mornara i Krke u sklopu petog kola regionalnog takmičenja na programu je danas sa početkom od 18 sati u Baru.
BS
